ក្រុមហ៊ុន Sony មានគម្រោង​ធ្វើ​ការ​ប្រកាស Xperia E3 ជាមួយ Xperia Z3 នៅ​ក្នុង​ព្រឹត្តិការណ៍ IFA 2014

ក្រុមហ៊ុន Sony បានត្រៀមខ្លួនជាស្រេច​ដើម្បី​ធ្វើ​ការ​ប្រកាស​កំពូល​ស្មាតហ្វូន​និង​ថេប្លេត​របស់​ខ្លួន​នៅ​ក្នុង​ព្រឹត្តិ​ការណ៍ IFA 2014 ក្នុង​ទី​ក្រុង Berlin (ប៊ែកទ្បាំង) ប្រទេស​អាល្លឺម៉ង់​ដែល​ជា​ទី​កន្លែង​សម្រាប់​ក្រុមហ៊ុន​បច្ចេក​វិទ្យា​ធំៗ​ធ្វើ​ការ​ដាក់​បង្ហាញ​ស្មាតហ្វូន​ជំនាន់​ថ្មី​របស់​ខ្លួន។

ក្នុងថ្ងៃនេះខេមបូបានទទួលពត៌មានមួយបានប្រាប់​អោយ​ដឹង​ថា Sony មាន​គម្រោង​ចង់​ធ្វើ​ការ​ប្រកាស​ស្មាតហ្វូន​ជំនាន់​ថ្មី​មួយ​ទៀត​របស់​ខ្លួន​នៅ​ក្នុង​ព្រឹត្តិ​ការណ៍ IFA 2014 ជាមួយ​នឹង​វង្ស​ត្រកូល Z3។ តើ​នេះ​ជា​ការ​ពិត​មែន​ទេ​ដែល​ថា Sony នឹង​ធ្វើ​ការ​ប្រកាស Xperia E3 នៅ​ក្នុង​ព្រឹត្តិ​ការណ៍​នោះ? ខេមបូ​ក៏​មិន​ទាន់​បាន​ដឹង​ច្បាស់​នៅ​ទើ្បយ​ទេ ដូច្នេះ​មាន​តែ​រង់ចាំ​ថ្ងៃ​ដែល Sony ធ្វើ​ការ​ប្រកាស​ប៉ុណ្ណោះ​ទើប​បាន​ដឹង។

បើយោងទៅតាមគេហទំព័រ 9to5Google បាន​បញ្ជាក់​អោយ​ដឹង​ថា Xperia E3 គួរ​តែ​ជា​ស្មាតហ្វូន​ដែល​មាន​តម្លៃ​សមរម្យ។ ហើយ Xperia E3 នេះ​នឹង​ក្លាយ​ជា​អ្នក​ស្នង​តំណែង​ជំនួស Sony Xperia E និង Xperia E1 ជំនាន់​មុខ។ ឯ​លក្ខណៈ​សម្បត្តិ​ពិសេស​របស់​វា​វិញ​គឺ វា​មាន​អេក្រង់​ទំហំ 4.8 អ៊ីញ​មាន​កម្រិត​រូបភាព 720 x 1280 ភិចសែល, រ៉េម​ទំហំ 1.5 GB (ឬក៏ 2 GB) ចំពោះ​តម្លៃ​របស់ Xperia E3 វិញ​វា​ត្រូវ​បាន​គេ​និយាយ​ថា​មាន​តម្លៃ​ចន្លោះ​ពី 200$ ដល់ 300$ ។ ​អ្វី​ដែល​គួរ​អោយ​សោក​ស្តាយ​នោះ​គឺ​ថា​វា​មិន​មាន​ភាព​ធន់​នឹង​ការ​ជា្រប​ទឹក​ដូច​ស៊េរី Z3 ទេ។

Read More

ក្រុមហ៊ុន SONY បានប្រកាសឲ្យដឹងពីកាមេរ៉ាពីរម៉ូដែលថ្មី របស់ខ្លួន គឺ Cyber Shot DSC-WX50 និង DSC-W630

ប្រិយមិត្តអ្នកគាំទ្រ Cyber Shot ទាំងអស់! ក្រុមហ៊ុនយើងមិនបានបំភ្លេចអ្នកទាំងអស់គ្នាទេ ហើយថ្ងៃនេះ យើងសូមណែនាំអ្នកឲ្យ​បានស្គាល់​នូវ​ផលិតផល ម៉ូឌែល Cyber Shots កាមេរ៉ា ប្រភេទ DSC-WX50, a 16.2Mpix Exmor R CMOS ដែលមានកំរិត ស៊ូមរូបភាពបានដល់ 5x កំរិត​ល្បឿនកើនដល់ 3200 ហើយថែមទាំងអាចពង្រីករូបភាពបានដល់ 12800 ឯណោះ។ ព្រមជាមួយគ្នានេះដែរ រូបភាពវាមាន

លក្ខណះ 3D, SDXC រីឯ វីដេអូវិញមានកំរិតច្បាស់ដល់ 1080/60iAVCHD ដែលលក់ក្នុងតំលៃត្រឹមតែ 25,000 Yen។
កាមេរ៉ា ប្រភេទ DSC-W630, a 16, MPix CCD ដែលមានរូបភាពជា 3D និងសព្វទស្សន៍ជា 3D SDXC, ISO កើនដល់ 3200 រីឯ​វីដេអូរវិញ​មាន​កំរិតច្បាស់​​ដល់ 720/30p ដែលលក់ក្នុងតំលៃត្រឹមតែ 17,000 Yen។

Read More

ថ្ងៃទី២១ វិច្ឆិកា ពិតជាមាន ទូរស័ព្ទ iPhone 6 នឹង iPhone 6 Plus លក់ជាផ្លូវការមែនរឺ?

ភ្នំពេញ៖ ប្រជាជនក្នុងប្រទេសកម្ពុជាកំពុងតែពុះកញ្ជ្រោល ជាមួយនឹងការទន្ទឹងរង់ចាំប្រើប្រាស់ iPhone 6 និង iPhone 6  Plus ដែលដាក់ លក់ជា ផ្លូវការ ដើម្បីអោយមានភាពងាយស្រួល និងមាន ទំនុកចិត្ត ក្នុងការ ប្រើប្រាស់។ 

ថ្មីៗនេះមានពត័មានលេចលឺថា នឹងមានការដាក់លក់ iPhone 6 និង iPhone 6  Plus ជាផ្លូវការ នៅក្នុង ប្រទេស កម្ពុជា នៅថ្ងៃទី២១ ខែវិច្ឆិកា នេះហើយ។

តើពាក្យចរចាមរ៉ាមនេះពិតដែររឺទេ? បើមានលក់ជាផ្លូវការមែន ច្បាស់ជាមាន លក់នៅ ក្រុមហ៊ុន iOne ជាក់ ជាមិនខាន ដោយសារតែ ក្រុមហ៊ុន iOne ជាក្រុមហ៊ុនជំនាញ លើ ផលិតផល Apple តាំងពី ឆ្នាំ ២០០៦ មកម្ល៉េះ លើសពីនេះទៅ ទៀតក្រុមហ៊ុន ជំនាញមួយនេះ មានសាខាជាច្រើន និងមានមជ្ឈមណ្ឌល សេវាកម្មជួសជុល ផ្ទាល់ខ្លួន ថែមទៀតដូចនេះ វារឹតតែធ្វើ អោយអតិថិជន មានទំនុកចិត្តខ្ពស់  ។ 

ទោះបីជាយ៉ាងណាយើងរង់ចាំការបកស្រាយពីក្រុមហ៊ុន iOne ចំពោះការដាក់លក់ iPhone 6 និង iPhone 6  Plus ជាផ្លូវការ នេះ ប៉ុនែ្តយើង ជឿជាក់ថាក្រុមហ៊ុន iOne នឹងមាន កម្មវិធី ប្លែកៗ សំរាប់អតិថិជន របស់ខ្លួនជា មិនខាន។

Read More

ទូរស័ព្ទប្រណិត Vertu Aster បង្ហាញខ្លួន ៖ តម្លៃជិត ៦៨០០ដុល្លារ ផលិតពីវត្ថុធាតុដ៏កម្រក្នុងលោក

ក្រុមហ៊ុនទូរស័ព្ទប្រណិត Vertu ទើបតែបានឧទ្ទេសនាមផលិតផលមួយបន្ថែមទៀត ទៅក្នុងក្រុម
ទូរស័ព្ទដែលប្រណិតផង និងឆ្លាតវៃផងរបស់ខ្លួន នោះគឺ Vertu Aster ដែលមានតម្លៃចាប់ពី ២៧

លានរៀលឡើងទៅ។





ភាពល្អប្រណិត និងមានតម្លៃខ្ពស់ របស់ផលិតផលមកពីក្រុមហ៊ុន Vertu គឺគេមិនចាំបាច់ប្រកែក
នោះទេ។ ទូរស័ព្ទថ្មី Vertu Aster ដែលមានទំហំវិមាត្រ  143.4 x 69 x 11.2 ម.ម និងទម្ងន់ 193
ក្រាម នេះ ត្រូវបានធ្វើឡើងអំពីបណ្ដាវត្ថុធាតុដ៏ប្រណិត និងកម្រមាន ដូចជា លោហធាតុ ទីតានី
ញ៉ូម ស្បែកគោ ស្បែកពោះថ្លាន់ ស្បែកសត្វអូទ្រីស និងត្រូវឆ្លងកាត់ដំណាក់កាលជាច្រើន ដែល ធ្វើឡើងដោយដៃនៃក្រុមអ្នកជំនាញរបស់ក្រុមហ៊ុននេះ។


អំពីគ្រឿងម៉ាស៊ីន  Vertu Aster  គឺពិតជាអាចប្រដូចជាមួយបណ្ដាផលិតផល  Android លំដាប់
កំពូលនាបច្ចុប្បន្ន។ Vertu Aster បំពាក់ CPU quad-core Qualcomm Snapdragon 801 កម្រិត
2,3GHz, RAM 2GB និងអង្គចងចាំក្នុងម៉ាស៊ីន 64GB , អេក្រង់ការពារដោយ sapphire និងមាន
ទំហំ 4,7-inch ដែលមានរីសូលូសឹន FullHD (1080 x 1920) រួមនឹងមានប្រព័ន្ធ LTE, NFC, ប្រដាប់
បំពងសម្លេង ប្រើបច្ចេកវិទ្យា Dolby Digital Plus និងថ្ម 2275mAh ។

ក្រៅពីនេះ Vertu Aster បំពាក់កាមេរ៉ាមុខ 2,1MP និងកាមេរ៉ាក្រោយ 13MP ដែលទទួលស្គាល់
គុណភាពដោយ Hasselblad (Hasselblad គឺជាក្រុមហ៊ុនផលិតកាមេរ៉ាប្រណិតបំផុតក្នុងពិភព
លោក ហើយក្រុមហ៊ុននេះ ធ្លាប់បានផ្គត់ផ្គង់កាមេរ៉ា ទៅឱ្យក្រុមអវកាសចរ ដែលបានឡើងទៅ
កាន់ភពព្រះចន្ទ ជាលើកដំបូងរបស់មនុស្សលោក)។

Vertu Aster ប្រើប្រាស់ប្រព័ន្ធប្រតិបត្តិ Android 4.4 រួមនឹងសេវាកម្មដ៏មានប្រយោជន៍របស់ក្រុម
ហ៊ុន ដូចជា Vertu Classic Concierge, Vertu Life និង Vertu Certainty ជាដើម។ ផលិតផលនេះ
នឹងត្រូវបានបញ្ចេញលក់ ក្នុងឆ្នាំ ២០១៥ ក្នុងតម្លៃប្រហែល ៦.៧៨៥ ដុល្លារអាមេរិក។ ក្រុមហ៊ុន
ផលិតទូរស័ព្ទប្រណិតនេះ ក៏បានប្រកាសថា អតិថិជនទូទៅ នៅក្នុងពិភពលោក សុទ្ធតែអាចបញ្ជា
ទិញផលិតផលនេះ៕

Read More

ទូរស័ព្ទ iPhone 5S ពណ៌​ទឹកមាស​លក់​ក្នុង តម្លៃ​ជាង​១​ម៉ឺន​

ការលក់​ទូរស័ព្ទ iPhone 5S ពណ៌​ទឹកមាស​ក្នុង eBay មាន​តម្លៃ​រហូត​ដល់ ៦៣០០​ផោន ឬ​ស្មើនឹង ១០១០០​ដូល្លា ដែល​វា​ថ្លៃ​ជាង​តម្លៃ​ធម្មតា​។ សូម​បញ្ជាក់​ទូរស័ព្ទ​ដ៏​ទំនើប​ចុងក្រោយ​របស់​ក្រុមហ៊ុន​អេប​ផល​មួយ​ប្រភេទ​នេះ និង​មាន​ម៉ូ​ដែល​ពណ៌​ទឹកមាស​ត្រូវបាន​គេ​ចាប់អារម្មណ៍​យ៉ាងខ្លាំង​នៅ​ពេល​ក្រុមហ៊ុន​នេះ​ចាប់ផ្តើម​ចេញ​លក់​ជាមួយ​ម៉ូ​ដែល​ពណ៌​ទឹក​ប្រា​សក និង​មាន​ចន្លោះ​ពណ៌​ប្រផេះ​កាលពី​ថ្ងៃ​សុក្រ​មុន​។​

​ក្រុមហ៊ុន​អេប​ផល​បាន​លក់​ទូរស័ព្ទ iPhone 5S និង 5C បាន​ជាង ៩​លាន​គ្រៀង​ក្នុង​រយៈពេល​បី​ថ្ងៃ​ចាប់​តាំង​ចាប់ផ្តើម​ដំណើរការ​លក់​មក​។ ទោះបីជា​យ៉ាងណា​ក៏ដោយ កម្មវិធ៏ដ៏​ពិសេស​មួយទៀត​របស់​ទូរស័ព្ទ​មួយ​ប្រភេទ​នេះ​ដែល​មានឈ្មោះ​ថា Touch ID finger Print Scanner សម្រាប់​សម្គាល់​ស្នាម​ម្រាមដៃ​អាច​ធ្វើការ Hack បាន​យ៉ាង​ងាយ ហើយ​សូម្បី​តែ​ក្បាល​សុដន់​របស់​មនុស្ស​ក៏​អាច​ដោះ​សោរ​បានដែរ​។​

Read More

​i​Phone​ 6​ ថ្មី ​ស្រោប​​ផ្លា​​ទីន​ ​មាស​ និង​​ដាំ​​ពេជ្រ​​តម្លៃ​ ​៨​.​៨​០​០​ ដុល្លា​រ​អាច​​រក​​ទិញ​​បាន​​ហើយ​​សម្រាប់​​អ្នក​បញ្ជា​​ទិញ​​ទុក​​មុន ​

វា​បាន​ក្លាយជា​ប្រពៃណី​ទៅហើយ​សម្រាប់​បណ្តា​ក្រុមហ៊ុន​គ្រឿងអលង្ការ ដែល​បង្កើត​គ្រឿងអលង្ការ​ដោយ​ដាំ "​ត្បូង​មានតម្លៃ​" លើ​កំណែ​ថ្មី​ទូរ​សព្ទ​របស់​ក្រុមហ៊ុន Apple​។ ​កាលពី​ថ្ងៃ​ពី​ចន្ទ ទី ២៨ កក្កដា ក្រុមហ៊ុន​គ្រឿងអលង្ការ​អាមេរិក​មួយ​បានចាប់ផ្តើម​ទទួល​ការបញ្ជាទិញ​មុន​សម្រាប់​ទូរ​ស័ព្ទ iPhone 6 ដាំ​ពេជ្រ​ជា​លើកដំបូង បើទោះបីជា​ក្រុមហ៊ុន Apple មិនទាន់​បញ្ចេញ​វា​ជា​ផ្លូវការ​នៅឡើយ​ក៏ដោយ​។

ទូរ​ស័ព្ទ Lux iPhone 6 ពណ៌​ស ដែល​ស្រោបមាស​ពណ៌​លឿង និង​មាន​ឡូហ្គោ​ដាំ​ពេជ្រ​តម្លៃ ៨.៣៩៥ ដុល្លារ​ ទូរ​ស័ព្ទ iPhone 6 ស្រោបមាស ផ្លា​ទីន និង​មាន​ដាំ​ពេជ្រ​ស៊េរី Lux របស់​ក្រុមហ៊ុន Brikk នឹងមាន​តម្លៃ ៤.៤៩៥ ដុល្លារ ទៅ ៨.៧៩៥ ដុល្លារ​ហើយ​ម្ចាស់​ទូរ​ស័ព្ទ​នឹងត្រូវ​រង់ចាំ​រហូតដល់​មួយខែ​ទៀត បន្ទាប់ពី​កំណែ​ទូរ​សព្ទ "​ធម្មតា​" ត្រូវបាន​បញ្ចេញ​សិន​។ ​ក្រុមហ៊ុន​នេះ​បាន​និយាយថា "​ទូរ​ស័ព្ទ Lux iPhone 6 ត្រូវបាន​បង្កើត​ឡើងជា​មួយ​នឹង​ម៉ូ​ដែល ដែលមាន​អេក្រង់​ទំហំ ៤,៧ អ៊ី​ញ និង​មែ​ម​ម៉ូ​រី​ក្នុង​តួ ១២៨ GB ហើយ​អាច​រក​ទិញ​បានជា​ទូរ​ស័ព្ទ​ស្រោបមាស​ពណ៌​លឿង​ទម្ងន់ ២៤ កា​រ៉ាត់​, ស្រោបមាស​ពណ៌​ផ្កាឈូក​ទម្ងន់ ២៤ កា​រ៉ាត់ និង ស្រោប​ផ្លា​ទីន​សុទ្ធ​"​។ ​អតិថិជន​ក៏​អាច​ជ្រើសរើស​តែង​លម្អ​ឡូហ្គោ Apple ជាមួយនឹង​ត្បូង​ពេជ្រ​ផងដែរ​។ រាល់​ទូរ​ស័ព្ទ​នីមួយៗ​គឺ​ត្រូវបាន​រុះរើ​ដោយ​ក្រុមហ៊ុន Brikk​។ ទូរ​ស័ព្ទ Lux iPhone 6 ស្រោបមាស ឬ​ផ្លា​ទីន ដែលមាន​ឡូហ្គោ​ដាំ​ពេជ្រ គឺ​សុទ្ធតែ​មានតម្លៃ​រហូតដល់ ៨.៣៩៥ ដុល្លារ ទូរ​ស័ព្ទ​ទាំងអស់​ត្រូវបាន​ខាត់​ដោយ​ដៃ និង​ដាក់​ស្រទាប់​ដែក​ចម្រុះ​ប្រាំ​ជាន់​មុនពេល​ដាក់​ស្រទាប់​មាស ឬ​ផ្លា​ទីន​ពីរ​ជាន់​ចុងក្រោយ​។ ត្បូង​ពេជ្រ​ត្រូវបាន​ដាំ​ជាមួយនឹង​ម៉ាស៊ីន​មីក្រូ​ទស្សន៍​ក្នុងការ​ជិត​ពេជ្រ​តាមរយៈ​មុខ​ពន្លាក​កែច្នៃ​ដោយ​ម៉ាស៊ីន​មួយ​។​ ​បន្ទះ​ដែក មាស និង​ផ្លា​ទីន​នីមួយៗ​បន្ទាប់មក​ត្រូវបាន​ផ្គុំ​ឡើងវិញ រួច​ធ្វើតេស្ត មុនពេល​ដឹក​ចេញ​ឲ្យ​ទៅ​អតិថិជន ដោយ​ធានាថា​ផលិតផល​នេះ​បំពេញបាន​នូវ​ស្តង់ដារ​ត្រួតពិនិត្យ​គុណភាព​ខ្ពស់បំផុត​។ ប្រអប់​ដាក់​ទូរ​ស័ព្ទ Lux iPhone 6 ធ្វើ​ពី​ដែក​មាំទាំ​ដ៏​ស្រស់ស្អាត​ តម្លៃ​មាន​ចាប់ពី ៤.៤៩៥ ដុល្លារ​សម្រាប់​ម៉ូ​ដែល​ស្រោបមាស ឬ​ផ្លា​ទីន រហូតដល់​តម្លៃ ៨.៣៩៥ ដុល្លារ សម្រាប់​ម៉ូ​ដែល ដែលមាន​ឡូហ្គោ​ដាំ​ពេជ្រ ហើយ​រាល់​ម៉ូ​ដែល​ទូរ​ស័ព្ទ​ទាំងអស់នេះ​សុទ្ធតែ​ត្រូវបាន​វេច​ខ្ចប់​ក្នុង​ប្រអប់​ដែក​មាំទាំ​មួយ​រួម​ជាមួយនឹង​ឧបករណ៍​ភ្ជាប់​បន្ថែម​ដូចជា​ឆ្នាំង​សាក ឬ​កាស​ធម្មតា​ដូច iPhone ទូទៅ​ដែរ​។ ​ក្រុមហ៊ុន Brikk បានកំពុងចាប់ផ្តើម​ទទួល​ការបញ្ជាទិញ​ទុក​មុន​ជា​លើកដំបូង​សម្រាប់​ទូរ​សព្ទ​នេះ​នៅមុន​ពេល​ការចេញ​ជា​ផ្លូវការ​នៃ iPhone 6 ដោយ​ក្រុមហ៊ុន Apple Corporation ក្នុង​ខែកញ្ញា​។ ក្រុមហ៊ុន​តម្រូវ​ឲ្យ​ដាក់​ប្រាក់​កក់​មុន​ចំនួន ៥០០ ដុល្លារ​សម្រាប់​កម្មវិធី​បញ្ជា​ទិញ​ទុកជាមុន​។ ​ទូរ​ស័ព្ទ Lux iPhone 6 ត្រូវគេ​រំពឹងថា​នឹង​ដឹក​ចេញ​ដល់ដៃ​អតិថិជន​រយៈពេល ៣ ទៅ ៤ សប្តាហ៍​បន្ទាប់ពី​ការចេញ iPhone ជា​ផ្លូវការ​៕

Read More

​iPhones​ថ្មី ! ២៤​ម៉ោង​មាន​អ្នក​បញ្ជា​ទិញ​រហូតដល់​៤​លាន

ក្រុមហ៊ុន​Apple​កាលពី​ថ្ងៃ​ចន្ទ​បាន​និយាយថា ខ្លួន​បាន​ទទួល​បាន​បញ្ជា​ទិញ​ទុក្រុមហ៊ុន​Apple​កាលពី​ថ្ងៃ​ចន្ទ​បាន​និយាយថា ខ្លួន​បាន​ទទួល​បាន​បញ្ជា​ទិញ​ទុក​ជាមុន​ក្នុង​ចំនួន​ច្រើន​បំផុត​មិន​ធ្លាប់​មាន​សំរាប់​ទូរ​​ស័ព្ទ​iPhone​ម៉ូ​ដែល​ថ្មី​របស់​ខ្លួន និង​ថា​អតិថិជន​ខ្លះ​នឹង​ត្រូវ​រង់ចាំយូរបន្តិច​សំរាប់​ស្មា​ត​ហ្វូន​ស្គ្រីន​ធំ​ជាង​មុន​នេះ​។​

ក្រុមហ៊ុន​យក្ស​នៅ​កាលីហ្វ័រ​ញ៉ា​នេះ បាន​និយាយថា​ខ្លួន​បាន​ទទួល​ការបញ្ជា​ទិញ​ជាង​៤.០០០.០០០​គ្រឿង​តែ​ក្នុង​រយៈពេល​២៤​ម៉ោង​ក្រោយ​ពី​ឧបករណ៍​ថ្មី​នេះ​បាន​ចាប់ផ្តើម​លក់​កាលពី​ថ្ងៃ​សុក្រសប្តាហ៍មុន​។​ Apple​បាន​និយាយ​ក្នុង​សេចក្តីថ្លែងការណ៍​មួយ​ថា​"​សេចក្តីត្រូវការ​សំរាប់​iPhones​ថ្មី​ហួស​ពី​ការផ្គត់ផ្គង់ និង​ទូរស័ព្ទ​ក្នុង​ចំនួន​ដ៏​ច្រើន​នឹង​ត្រូវ​បញ្ជូន​ទៅ​អោយ​អតិថិជន​ចាប់ពី​ថ្ងៃ​សុក្រ​និង​ទូ​ទាំង​ខែកញ្ញា​។​អ្នកបញ្ជា​ទិញ​នាពេលនេះ​ខ្លះ​ត្រូវ​រង់ចាំ​ដល់​ខែក្រោយ​ទើបបាន​ទូរស័ព្ទ​"​។​ Apple កាលពី​សប្តាហ៍​មុន​បាន​បញ្ចេញ​iPhone 6 និង iPhone 6 Plus ក្នុង​បំណង​បំពេញ​ចំណង់​ចំណូលចិត្ត​អ្នក​ប្រើ​ដែល​ចង់បាន​អេក្រង់​ធំ​ជាង​មុន​។​ ការលក់ iPhone​ថ្មី​តាម​ហាង​លក់រាយ​នឹង​ចាប់ផ្តើម​នៅ​ថ្ងៃ​សុក្រ​ទី​១៩​កញ្ញា នៅ​អាមេរិក អូស្ត្រាលី កាណាដា បារាំង អាល្លឺម៉ង់ ហុងកុង ជប៉ុន ព័រ​តូ រីកូ សិង្ហ​បុរី និង​អង់គ្លេស​។​ប្រទេស​ជាង​២០​ទៀត​នឹង​ទទួលបាន iPhone​នៅ​ថ្ងៃ​២៦​កញ្ញា​៕

Read More

ទូរស័ព្ទថ្មី LG ក៍ឡូយម្យ៉ាងដែរ

ក្រុមហ៊ុន LG បានផ្សព្វផ្សាយជាថ្មីនៅផលិតផល ទូរស័ព្ទដែលមានឈ្មោះថា Optimus BiG មិនដឹងថាក្រុមហ៊ន​ LG មានអ្វីមកដាក់ប្រកួតប្រជែងជាមួយបណ្តាស្មាតហ្វូនរបស់ក្រុមហ៊ុនដទៃទៀត៖

1. ប្រើប្រព័ន្ឋ Android 2.2,
2. អេក្រង់ ៤,៣ អ៊ីង ហើយអ្វីពិសេស គឺប្រើ Nova Display ( ជាអាក្រង់ពណ៌ពិសេស បំផុត ច្បាស់ល្អណាស់)
3. មានរន្ឋដោត  HDMI-out port, ល្បឿន 1GHz processor, កាមេរ៉ា 5-megapixel

ប្រព័ន្ឋភ្ជាប់ឥតខ្សែរ ជា  Bluetooth 3.0, Wi-Fi 802.11 b/g/n

Read More

នាឡិកាឆ្លាតវៃសម្រាប់កូនក្មេងផ្តល់នូវភាពកាន់តែឆ្លាតវៃនិង​អត្ថប្រយោជន៍​កាន់​តែច្រើន

ឥឡូវនេះ​គឺថា បច្ចេកវិទ្យា​ថ្មី​បាន​មកដល់​ទៀតហើយ ជាមួយ​នាឡិកា​ឆ្លាត​វៃ​សម្រាប់​​កុមារ​​ដែល​មាន​​ឈ្មោះ​ថា​ JUMPY ផ្តល់នូវ​សោ​ភណ្ឌ​ភាព​ក៏​ស្អាត អត្ថប្រយោជន៍​ក៏​ច្រើន ដែល​ឪពុក​ម្តាយ​​គួរ​​ជ្រើស​រើស​​សម្រាប់​​បុត្រ​​​ធីតា​​របស់ខ្លួន។ JUMPY គឺជា​នាឡិកាដៃ​សម្រាប់​ក្មេង ត្រូវបាន​រចនា​ឡើង​ក្នុង​គោលបំណង​​ភ្ជាប់​ទំនាក់​ទៅកាន់​ទូរស័ព្ទ​ឪពុក​ម្តាយ​​របស់គេ ដើម្បី​ឲ្យ​លោក​ទាំង​ពីរ​ងាយស្រួល​គ្រប់គ្រង​កូន​របស់គាត់ ហើយ​នាឡិកា​នេះ​អាច Support ជាមួយ Android និង iOS Smartphones។ អត្ថប្រយោជន៍​នៃ​នាឡិកាដៃ JUMPY ខាងលើនេះ​រួមមាន​ដូចជា មាន​កម្មវិធី​កម្សាន្ត​សម្រាប់​ក្មេង អាច​តាម​ដាន​​កម្សាន្ត​​យ៉ាង​​សប្បាយ​រីក​រាយ​​ជា​ពិសេស​​ក្មេង​​មាន​​អាយុ​ ៥ ឆ្នាំ ឬ លើសពីនេះ។មុខងារ​មួយទៀត វា​ត្រូវ​បាន​​ភ្ជាប់​​ទៅ​កាន់​​ស្មា​ត​​ហ្វូ​ន​​របស់​​ឪពុក​ម្តាយ ដោយ​អាច​ឲ្យ​ពួកគាត់​ដឹងថា​តើ កូន​របស់គាត់​នៅឯណា ហើយ​ក៏​​អាច​​ហៅ​​កូន​របស់គាត់​ឲ្យ​មក​ញុំ​បាយ ឬ ធ្វើ​អ្វីមួយ ដោយ​ផ្ញើ​សារ​ជា​រូបភាព ហើយ​រូបភាព​នោះ យើង​អាច​គូរ​នៅលើ​អេក្រង់​ស្មា​ត​ហ្វូ​ន ។នៅពេលដែល​កូន​ឃើញ​រូបភាព​នោះ​ហើយ កូន​ក៏​គូរ​រូបភាព​បញ្ជូន​ត្រឡប់មក​អ្នក​ម៉ែ ឬ លោកប៉ា​វិញ។ ម្យ៉ាងវិញទៀត នាឡិកា JUMPY អាចធ្វើ​ការបញ្ជា​នូវ​ឧបករណ៍​លេង​មួយចំនួនទៀត ដូចជា​កូន​បាល់​ជាដើម ព្រោះ JUMPY រចនា​ឡើងជា​មួយ​បច្ចេកវិទ្យា Motion Technology។គួរ​បញ្ជាក់ថា JUMPY សម្រាប់​ក្មេង​ត្រូវ​បានដាក់​បង្ហាញ​លើ Kickstarter រងចាំ​ថវិកា​ចំនួន 10 ម៉ឺន​ដុល្លារ​សម្រាប់​ឈាន​ជើង​ចូលក្នុង​សង្វាក់​ផលិក​ម្ម។

Read More

ក្រុមហ៊ុន​Sony​ខាត​ដោយសារ​ទូរស័ព្ទ​ឆ្លាត

The Yomiuri Shimbun ​សរសេរ​ថា Sony Corp. កំពុង​ស្ថិត​ក្នុង​ស្ថានភាព​ខាតបង់​រ៉ាំរ៉ៃ​មួយ​។ ក្រុមហ៊ុន​​អេឡិចត្រូនិក​ និង​ឧបករណ៍​កម្សាន្ត​នៃ​ប្រទេស​ជប៉ុន កំពុង​មាន​ជំងឺ​មួយ​នេះ ត្រូវ​បាន ប្រកាស​ថា បង្ខំ​ចិត្ត​ធ្វើការ​កែតម្រូវ​បន្ទាប​ថែម​ទៀត​ នូវ​ប្រាក់ចំណូល​របស់​ខ្លួន សម្រាប់​ឆ្នាំ​សារពើពន្ធ​នេះ ដោយ​បាន​ទម្លាក់​ការ​ខាតបង់​ដ៏​ធំ​នេះ ​ថា​ជា​បញ្ហា​នៅ​ក្នុង​ផ្នែក​ទូរស័ព្ទ​ឆ្លាត។ ដើម្បី​រក​ផ្លូវ​ចេញពី​ចំណុច​គ្រោះថ្នាក់​នេះ ក្រុមហ៊ុន​បាន​ផ្តោត​ទៅ​លើ​ធុរកិច្ច​ទូរស័ព្ទ​ឆ្លាត តែ​វិនិច្ឆ័យ​មិនបាន​ត្រឹមត្រូវ​អំពី​ចំណោល​នៃ​ការ​លក់។

ពាក់ព័ន្ធ​នឹង​ការវិនិច្ឆ័យ​ខុស​ក្នុង​ធុរកិច្ច​ទូរស័ព្ទ​ឆ្លាត លោក Kazuo Hirai ប្រធាន​ក្រុមហ៊ុន Sony ទទួលស្គាល់​ថា ក្រុមហ៊ុន​តាម​មិនទាន់​ការ​ដូរ​ផ្លាស់​នៅ​ក្នុង​វិស័យ​ឧស្សាហកម្ម ដោយ​“​ក្រុម​អ្នក​ផលិត​ទូរស័ព្ទ​ឆ្លាត​នៃ​ប្រទេស​ចិន បាន​វាយលុក​យ៉ាង​ខ្លាំង​។ យើង​មាន​កម្លាំង​មិន​គ្រប់គ្រាន់ ដើម្បី​នឹង​ទប់ទល់​សង្គ្រាម​តម្លៃ​ដែល​កើន​ឡើង​ខ្លាំង​ទៅៗ បានទេ​”។

ទីផ្សារ​ទូរស័ព្ទ​ឆ្លាត មាន​ការ​ដូរ​ផ្លាស់​យ៉ាង​ខ្លាំង​នៅ​ប៉ុន្មាន​ឆ្នាំ​ថ្មីៗ នេះ​។ យោង​តាម​ក្រុមហ៊ុន​ស្រាវជ្រាវ​របស់​សហ​រដ្ឋ​អាមេរិកIDC ក្រុមហ៊ុន Samsung Electronics Co. នៃ​កូរ៉េខាងត្បូង និង Apple Inc. របស់​សហរដ្ឋអាមេរិក ជា​តួអង្គ​ពីរ​ធំ​ជាង​គេ​ក្នុង​ធុរកិច្ច​ទូរស័ព្ទ​ឆ្លាត តែ​បាន​ខាតបង់​សឹងតែ ១០% នៃ​ចំណែក​ទីផ្សារ​រួមគ្នា ​ធៀប​ទៅ​កំឡុង​ពេលមុន​។ ចំណែក​ទីផ្សារ​មួយ​ដ៏​ធំ បាន​ធ្លាក់​ចូល​ដៃ​នៃ​ក្រុមហ៊ុន Xiaomi Inc. និង Huawei Technologies Co. នៃ​ប្រទេស​ចិន​ដែល​ក្រុមហ៊ុន​ទាំងពីរ​បាន​ផលិត​ទូរស័ព្ទ​ឆ្លាត​តម្លៃ​ទាប។

ក្រុមហ៊ុន Sony មាន​គោលបំណង​ចង់​ក្លាយ​ជា​តួអង្គ​ទី ៣ នៅក្នុង​ឧស្សាហកម្ម​ទូរស័ព្ទ​ឆ្លា​តនៃ​ពិភពលោក តែ​ក្រុមហ៊ុន​មិន​អាច​ទាំង​ដណ្តើម​ចំណែក​ទីផ្សារ​ទី​៥ បាន​ផង ដោយសារតែ​គូប្រជែង​ចិន​ដ៏​ខ្លាំងក្លា​។ ធុរកិច្ច​​អេឡិចត្រូនិក​​របស់ Sony បាន​ស្ថិត​ក្នុង​តំបន់​គ្រោះថ្នាក់​បី​ឆ្នាំ​ជាប់ៗ គ្នា​ហើយ​។ ក្រុម​ទូរទស្សន៍​មាន​ផ្ទាំង​បង្ហាញ​រូបភាព​រាង​សំប៉ែត ដែល​ជា​ស្នូល​នៃ​ធុរកិច្ច ក៏​រង​នូវ​ឱនភាព​មក​១០ ឆ្នាំ​ជាប់​គ្នា​ដែរ​។ គឺ​កិច្ចប្រជុំ​យុទ្ធសាស្ត្រ​សាជីវកម្ម​របស់​ក្រុមហ៊ុន កាលពី​ខែឧសភា​ឆ្នាំនេះ គឺ​ទើបតែ​បួន​ខែ​សោះ ដែល​ក្រុមហ៊ុន​បាន​តាំង​ជំហរ​យក​ធុរកិច្ច​ទូរស័ព្ទ​ឆ្លាត ជា​ការ​វាយលុក​សំខាន់​ដើម្បី​ដណ្តើម​នូវ​ប្រៀប​ក្នុងការ​ប្រកួតប្រជែង។

ក្នុងការ​ព្យាករណ៍​ដ៏​រឹងមាំ​មួយ​សម្រាប់​ឆ្នាំ​សារពើពន្ធ​ដែល​ចប់​ទៅ​នៅ​ខែ មីនា ឆ្នាំ ២០១៥ ក្រុមហ៊ុន​បាន​ព្យាករណ៍​ថា នឹង​លក់​បាន ៧,៨ ពាន់​ពាន់​លាន​យ៉េន ឬ ៧១ ពាន់​លាន​ដុល្លារ ដោយ​រំពឹង​ថា បាន ១,៥៣ ពាន់​ពាន់​លាន​យ៉េន ពី​ធុរកិច្ច​គមនាគមន៍ ក្នុង​នោះ​មាន​ទូរស័ព្ទ​ឆ្លាត ដែល​ត្រូវជា ២០% នៃ​ការ​លក់​ទាំងអស់ និង ២៦ ពាន់​លាន​យ៉េន ជា​ប្រាក់ចំណេញ​ប្រតិបត្តិការ​។ ប៉ុន្តែ ​នៅ​ត្រឹម​ខែ​កក្កដា ក្រុមហ៊ុន បាន​កាត់​តម្រឹម​ការ​ព្យាករណ៍​លក់​សម្រាប់​ធុរកិច្ច​គមនាគមន៍​ចល័ត ចុះទៅ​ដល់ ១,៣៦ ពាន់​ពាន់​លាន​យ៉េន និង​កាត់​ទស្សនវិស័យ​ចំណេញ​ទៅ​នៅ​សូន្យ​៕

Read More

ម៉ាស៊ីនឆុងកាហ្វេជំនាន់ថ្មីបញ្ជាដោយស្មាតហ្វូន ដែលមានតំលែថ្លៃចេញលក់ហើយ

Belkin ដែលជា​ក្រុមហ៊ុន​ផលិត​នូវ​ឧបករណ៍​អេ​ឡិច​ត្រូ​និ​ច​ជាច្រើន​ប្រភេទ​​នៅ​​ថ្ងៃ​នេះ​បាន​​សហការ​ជាមួយ​ក្រុម​ហ៊ុន​ផលិត​កាហ្វេ​ឈ្មោះថា Mr Coffee ដើម្បី​​បង្កើត​​នូវ​ម៉ាស៊ីន​ឆុង​កាហ្វេ​ទំនើប​អស្ចារ្យ​​មួយ អាច​ឆុង​កាហ្វេ​​បាន​​ដោយ​បញ្ជា​ពី​ស្មា​ត​ហ្វូ​ន ដំណើរការ​ដោយ​​ប្រព័ន្ធ​ប្រតិបត្តិ​ការណ៍ Android និង iOS។

ម៉ាស៊ីន​​ឆុង​កាហ្វេ​ដ៏​អស្ចារ្យ​នោះ​​មាន​ឈ្មោះថា Mr Coffee 10-Cup Smart Optimal Brew វា​​អាច​ឲ្យ User ធ្វើ​ការ​​ឆុង​កាហ្វេ​​បាន​យ៉ាង​ងាយស្រួល ដោយ​កំណត់​នូវ ពេលវេលា ដើម្បី​ឲ្យ​កាហ្វេ​នោះ​ល្មម​នឹង​ពិសារ។

ជាមួយ​ម៉ា​ស៊ីន​ឆុង​កាហ្វេ​ខាងលើនេះ វា​អាច​ឲ្យ​លោក​អ្នកធ្វើ​ការបញ្ជា​ពី​ចម្ងាយ ដោយ​បញ្ជា​ឲ្យ​វាចា​ក់​ចូលក្នុង​កែវ​មួយ បន្ទាប់ពី​ឆុង​រួច ដើម្បី​ឲ្យ​ត្រជាក់​ល្មម​ដើម្បី​ពិសារ តែ​ត្រូវ​ប្រាកដថា អ្នក​ត្រូវដាក់​កែវ​ទំនេរ​មួយ​នៅ​ជិត​ម៉ាស៊ីន​នោះ។

ចំពោះ​កម្មវិធី​ដែល​ដំណើរការ​នៅលើ​ស្មា​ត​ហ្វូ​ន​សម្រាប់​បញ្ជា​នោះ​មាន​ឈ្មោះថា WeMo ។នៅលើ​កម្មវិធី​នោះ វា​អាច Alert ប្រាប់​លោកអ្នក​ជាស​ញ្ញា​អ្វីមួយ បន្ទាប់​កាហ្វេ​នៅក្នុង​ធុង​នៃ​ម៉ាស៊ីន​ត្រូវបាន​អស់។

Read More

ទូរស័ព្ទថ្មី YotaPhone 2 មានអេក្រង់ពីរ

ក្រុមហ៊ុនផលិតទូរស័ព្ទប្រទេសរុស្សី YotaPhone បានប្រកាសចេញនូវទូរស័ព្ទ Android ជំនាន់ទីពីររបស់ខ្លួនដែលមានអេក្រង់ដល់ទៅពីរ។ ទូរស័ព្ទ YotaPhone ជំនានថ្មីនេះបានបំពាកនូវអេក្រង់នៅខាងមុខមានទំហំ 5 inch ប្រើប្រាសបច្ចេកវិទ្យា Amoled display និងនៅខាងក្រោយទូរស័ព្ទនេះគឹវាបានបំពាកអេក្រង់មួយបន្ថែមទៀតដែលមានទំហំ 4.7 inch ដែលប្រើប្រាសបច្ចេកវិទ្យា qHD e-Ink touchscreen ជាអេក្រង់មានពណ៌ស ខ្មៅ ដែលជាប្រភេទអេក្រង់មាននៅលើ E-book និង E-reader។ YotaPhone​   ជំនាន់ថ្មីនេះ និងមានពីរពណ៌អោយអ្នកជ្រើសរើស គឺពណ៌ស និង ពណ៌ខ្មៅ ហើយវានិងបំពាកជាមួយនិងប្រព័ន្ធដំណើរការ​ថ្មីរបស់ Android​ 4.4 kitkat ផងដែរ។

​វាប្រើប្រាស់នៅ CPU qualcomm Snapdragon 800 SoC 2.3 GHz quad-core CPU  RAM ចំនួន 2GB ជាមួយនិង Memory ភ្ជាប់ខាងក្នុង 32GB។ ចំពោះកំាម៉េរា នៅខាងមុខមានទំហំ 8 Megapixel និងនៅខាងក្រោយមានទំហំ 2 Megapixel និង Connectivity មាន Wi-Fi 802.11 a/b/g/n/ac  4G/LTE  Bluetooth 4.0, GPS និង FM Radio។

YotaPhone និងចេញលក់នៅក្នុងត្រីមាសទីបួនក្នុងឆ្នាំនេះនៅទ្វីបអឺរ៉ុប ហើយនិងដាក់លកនៅទ្វីបអំាមេរិចខាងជើងនិងជំវិញអាស៊ីនៅរយៈពេល 2 ទៅ 3 ខែបន្ទាប់ ហើយចំពោះតំលៃរបស់វាមិនត្រូវបានបញ្ជាកនោះទេ។

Read More

iphone ព័ណទឹកមាសទើបនិងចេញលក់ថ្មីៗនេះ

ប្រាកដ​ខ្លាំង​ណាស់​លោក​អ្នក​ប្រាកដ​ជា​ភ្ញាក់​នៅ​ពេល​ដែល​បាន លឺ​ថា ​IPhone 5S ពណ័​មាស អាច​មាន​តម្លៃ​រហូត​ដល់ $10,000  សហ​រដ្ឋអាមេរិច ។ វា​ពិត​ជា​តម្លៃ​មួយ​ដ៏​សែន​ថ្លៃ មិន​ដែល​ជួប​ប្រទះ ឡើយ​ តាំង​ពី​ពិភព​មាន​ទូរស័ព្ទ​ប្រើ​មក​ មិន​មាន​ទូរស័ព្ទ​មួយ​ណា​អាច​ដាក់​លក់ ថ្លៃ​ដ៏​ម្លឹង​នោះ​ទេ ។

យោង​តាម​គេ​ហទំព័រ​បរទេសមួយ​បាន​ឲដឹង​ថា គេ​បាន​ប្រទះឃើញ​តម្លៃ​ដ៏​គួរ​ឲ​ភ្ញាក់​ផ្អើល​មួយ​ដែល​ បាន​ដាក់​លក់​នៅ​លើ​គេហទំព័រ​ eBay ដែល​ជា​គេ​ហទំព័រ​លក់​ទំនិញ​តាម​រយះ ប្រព័ន្ធ​អ៊ីន​ធឺ​ណែត នៅ​លើ​ពិភព​លោក​ នោះ គឺ ទួរស័ព្ទ IPhone 5S ពណ័​មាស របស់​ក្រុម​ហ៊ុន​ APPLE ដែល​ទើបតែ​ដាក់​លក់ នៅ​លើ​ទី​ផ្សាកម្ពុជា​​ប្រហែល ជា ២-៣ ថ្ងៃ​មុន​នេះ  ។

អ្នក​លក់​នៅ​លើ​ eBay ដែល​មាន​ អត្ថលេខ "Papakar" បានដាក់​លក់​ IPhone 5S​ ពណ័​ទឹក​មាស Unlock សំរាប់​ប្រាស់​បានទូទាំង​ពិភព​លោក ក្នុង​តម្លៃ $10,000 រួម​ជា​មួយ​នឹង 51 bids ។ ចំណែក​ឯ​អ្នក​លក់​ផ្សេង​ទៀត ហ៊ាន​លក់​ក្នុង​តម្លៃ​ត្រឹម​តែ $4,000 ប៉ុនណ្ណោះ​ក្នុង​មួយ​គ្រឿង ។

គួរ​បញ្ជាក់​ផង​ដែល​ថា ក្រុមហ៊ុន APPLE បាន​លក់ ​IPhone 5S នឹង 5C អស់កាលពី ចុង​ប្តា​ហ៍​មុន​ ដែល​សប្តាហ៍ ប្រវត្តសាស្រ្ត​របស់​​ ក្រុមហ៊ុន APPLE ហើយ​ដែល​អាច​លក់​ ទូរស័ព្ទ​ដាច់​បាន​ច្រើន​យ៉ាង​នេះ ។

ប្រជាជន​របស់ សហ​រដ្ឋអាមេរិច អាច​ទិញ​ទូរស័ព្ទ​ IPhone 5S បាន​ក្នុង​តម្លៃ​សម្យ​នឹង​ថោក​បំ​ផុត ត្រឹម​តែ $199 សំរាប់​កិច្ចសន្យា​ ២ឆ្នាំ ។

Read More

​Microsoft ​ឧទ្ទេសនាម​ទូរស័ព្ទ​ម៉ូ​ដែល ​Nokia​ x2​ ដែល​ដំណើរការ​ដោយ​ប្រព័ន្ធ​ប្រតិបត្តិការ ​Android​ ​

​ ​Nokia ​បាន​បញ្ចេញ​ទូរស័ព្ទ​ម៉ូ​ដែល​x2 ​ដែល​ដំណើរការ​ដោយ​ប្រព័ន្ធ​ប្រតិបត្តិការ​Android​ Phone​ជំនាន់​ថ្មី​របស់​ខ្លួន​នៅ​តម្លៃ​99​អឺរ៉ូ ​ស្មើ​នឹង​តម្លៃ​135​ដុល្លារ​សហរដ្ឋអាមេរិក​។ ​បើ​យោង​តាម​ក្រុមហ៊ុន ​Nokia ​ទូរស័ព្ទ​នេះ​នឹង​មាន​វត្ត​មាននៅ​ក្នុងកា​រ​ជ្រើសរើស​ប្រទេស​។​

ក្រុមហ៊ុន ​

​ ​ទូរស័ព្ទ​នេះ​មាន​ទំងន់ 150gram និង​វិមាត្រ ​21.7x68.3x11.1mm​។ ​Nokia ​x2 ​លក្ខណៈ​ពិសេស​ជា​មួយនឹង​ស្រទាប់​ខាងក្រៅ​translucent ​ហើយនឹង​មាន​ពណ៌​ជាច្រើន​សំរាប់​ជ្រើសរើស​ដូច​ជា​ពណ៌​បៃតង​រលោង ​ពណ៌​ទឹកក្រូច​និង​ខ្មៅ ពណ៌​លឿង​រលោង ពណ៌​ស​និង​ពណ៌​ប្រផេះ Matt ពណ៌​ងងឹត​។​

​ ​Nokia x2 មាន​អេក្រង់ ​ClearBlack ​LCD​ ទំហំ​4.3 ​អ៊ី​ញ​(480x800p) ​និង​ធន់​ទ្រាំ​ជាមួយនឹង​ការ​កោស​កញ្ចក់​។ ​ទូរស័ព្ទ​នេះ​មាន​ស៊ីម​ពីរ​ និង​Dual-standby​ត្រូវ​បាន​បំពាក់​ដោយ ​Dual-Core ​Qualcomm​Snapdragon​ 200​ 1.2 ​GHz ​និង​មាន​RAM​ទំហំ​1GB​ផង​ដែរ​។ ​Nokia x2 ​វា​បាន​ភ្ជាប់​មក​ជា​មួយ​ការ​ផ្ទុក​ខាង​ក្នុង​អង្គ​ចងចាំ​ទំហំ​4GB ​ដែល​ជា​រន្ធ​ដោត​កាត​microSD ​និង​ថាមពល​ថ្ម​1800mAh​។ 
​ ​ចំពោះ​ម៉ូ​ដែល​Nokia ​x2 ​នេះ​ផង​ដែរ​វា​មាន​កាមេរ៉ា​sports​ ខាង​ក្រោយ​ទំហំ ​5MP​ ជា​មួយ​នឹង​LED​ flash ​និង ​VGA ​កាមេរ៉ា​facing ​camera ​ផង​ដែរ​។ ​នៅក្នុង​លក្ខខណ្ឌ​នៃ​ជម្រើស​ការ​តភ្ជាប់​របស់​ទូរស័ព្ទ​នេះ​មាន​ដូច​ជា​3G, ​Wi-Fi,​ Bluetooth ​និង​GPS​។​
​ ​Nokia ​x2 ​ដំណើរ​ការ​ដោយ​ប្រព័ន្ធ​ប្រតិបត្តិការ ​Android​ ដែល​មាន​មូលដ្ឋាន​លើ​ប្រព័ន្ធ​ប្រតិបត្តិការ ​Android​ 4.3​AOSP​ Jelly Bean​៕​

Read More

គំរូ​ទូរស័ព្ទ​ iPhone 6 ជា​មួយ​​លក្ខណ​សម្បត្តិ​ពិសេស​មិន​ជ្រាប​ទឹក​ឃើញ​​គួរ​ឲ្យ​​ចង់​ប្រើ​

​ថ្មីៗ​នេះ​ក្រៅ​ពី​គំរូ​ iOS 7 និង iPhone 5S ​គំរូ​ទូរស័ព្ទ iPhone 6 ក៏​ត្រូវ​​បាន​​គេ​ធ្វើ​ឡើង​ជា​ច្រើន​ផង​ដែរ ។ យ៉ាង​​ណា​មិញ​ថ្ងៃ​នេះ​យើង​ទើប​តែ​ទទួល​បាន​នូវ​វីឌីអូ​ថ្មី​ដែល​បង្ហាញ​ពី​គំរូ iPhone 6 ជា​មួយ​​នឹង​លក្ខណ​សម្បត្តិ​ពិសេស​មិន​ជ្រាប​ទឹក នឹង​ថែម​ទាំង​មាន​នូវ​រូប​រាង​ថ្មី​គួរ​ឲ្យ​ទាក​ទាញ​​ទៀត​ផង ។

​សម្រាប់​គំរូ​នៃ​ទូរស័ព្ទ iPhone 6 មិន​ជ្រាប​ទឹក​នេះ​គឺ​​មាន​នូវ​លក្ខណ​សម្បត្តិ​ផ្សេងៗ​ជា​ច្រើន​ដូច​ជា សាក​ថ្មដោយ​ប្រព័ន្ធ Wirelesss ( wireless charging), notification LEDs, ភ្លើង​បង្ហាញ​ការ​សាក​ថ្ម​ (charging animation), ឧបករណ៍​បំពង​សំឡេង​នៅ​ផ្នែក​ខាង​មុខ (សម្រាប់​ស្ដាប់​តន្ត្រី​), រចនា​ជា​មួយ​នឹង​រាង​កាន់​តែ​​ស្ដើង​កាន់​តែ​ស្រស់​ស្អាត (ultra slim design) , មាន​ទំហំ​ screen ទូលាយ​ងាយ​ស្រួល​មើល​​ (wide visible screen), ការ​ពារ​បាន​ទាំង​ទឹក និង​ធូលី (dust-water resistant), ​មាន​តួ​ប្រើ touch បាន​ទាំង​ស្រុង​គឺ​ touch លើ​តួ​ក៏​បាន​ និង​លើ​ screen របស់​ទូរស័ព្ទ​ក៏​បាន​ (touch sensitive volume rocker), កាមេរ៉ា 13MP និង​​​អេក្រង់​មាន​កម្រិត​ភាព​ច្បាស់ Full HD Retina display ។

សូម​បញ្ជាក់​ថា គំរូ​ទូរស័ព្ទ iPhone 6 ដែល​អាច​ការ​ពារ​បាន​ទាំង​ទឹក​ និង​ធូលី​​នេះ​ គឺ​ត្រូវ​បាន​រចនា​ឡើង​ដោយ​ Uygar KAYA និង​បន្ថែម​ការ​រៀប​រាប់​នៅ​ក្នុង​វីឌីអូ​ដោយ Ran Avni ។ ដោយ​ឡែក​សម្រាប់​ទូរស័ព្ទ​ដែល​​អាច​ការ​ពារ​បាន​ទាំង​ទឹក និង​ធូលី​គឺ​បច្ចុប្បន្ន​ត្រូវ​បាន​ក្រុមហ៊ុន​ Sony នឹង​ក្រុមហ៊ុន​មួយ​ចំនួន​ទៀត​ផលិត​បាន​សម្រេច​រួច​ទៅ​ហើយ ​។ ដូច្នេះ​សម្រាប់​គំរូ​ទូរស័ព្ទ​ខាង​លើ​ដែល​បង្ហាញ​ពី​​អនាគត​ផលិតផល​របស់​ក្រុមហ៊ុន Apple គឺ​​ជា​អ្វី​ដែល​យើង​អាច​សង្ឃឹម​ថា នឹង​មាន​ស្ទើរ​តែ​ទាំង​ស្រុង ​ប្រសិន​បើ​ក្រុមហ៊ុន​ពិត​ជា​ព្យាយាម​ផលិត​ចេញ​នូវ​ទូរស័ព្ទ​ដែល​មាន​នូវ​លក្ខណសម្បត្តិ​ទាំង​នេះ ។

Read More

ទូរស័ព្ទ iPhone បែកផ្កាភ្លើងនៅលើ​យន្ត​ហោះ

តាម​ប្រភព​ពី​ abc.net.au​ ចេញ​ផ្សាយ​កាល​ពី​ថ្ងៃ​ទី ២៩ វិច្ឆិកា បាន​ឱ្យ​ដឹង​ថា បណ្តាញ​ព័ត៌​មាន​របស់​អាកាសចរណ៍​អូស្ត្រាលី​បាន​បញ្ជាក់​ថា  ទូរស័ព្ទ iPhone របស់​អ្នក​ដំណើរ​ម្នាក់​​បាន​ចាប់​ផ្តើម​បញ្ចេញ​ពន្លឺ​ពណ៌​ក្រហម​​បង្កើត​ទៅ​ជា​កំដៅ ហើយ​ឆេះ​ចេញ​ផ្សែង​នៅ​លើ​យន្ត​ហោះ​ដែល​ធ្វើ​ការ​ហោះ​ហើរ​ពីទីក្រុងលីសម័រ​ (Lismore) ​ទៅ​កាន់​ទី​ក្រុង​ស៊ីដនី កាល​ពី​ថ្ងៃ​ទី​២៥ វិច្ឆិកា កន្លង​មក។

អ្នក​នាំ​ពាក្យ​អាកាស​យាន​ដ្ឋាន​បាន​និយាយ​ថា ជើង​ហោះ​ហើរ​បាន​ចុះ​ចត​នៅ​ទីក្រុ​ង​ស៊ីដ​នី​ដោយ​សុវត្ថិ​ភាព ខណៈ​ដែល​ទូរស័ព្ទ​កំពុង​ឡើង​កំដៅ ហើយ​ចំណុច​សំខាន់​នោះគឺ​បរិ​មាណ​នៃ​ផ្សែង​​ដោយ​មាន​បញ្ចេញ​ពន្លឺ​ពណ៌​ក្រហម។ អ្នក​មើល​ការ​ខុស​ត្រូវ​លើ​ជើង​ហោះ​ហើរ​បាន​ ពន្លត់​ពន្លឺ​ពណ៌​ក្រ​ហម​នោះ ហើយ​ពុំ​មាន​អ្នក​ដំណើរ​ណា​ម្នាក់​មាន​គ្រោះ​ថ្នាក់​ឡើយ។

ប្រភព​បាន​បន្ត​ថា បញ្ហា​នេះ ត្រូវ​បាន​ធ្វើ​របាយ​ការណ៍​ទៅ​កាន់​ការិយាល័យ​សុវត្ថិ​ភាព​ដឹក​ជញ្ជូន​អូស្ត្រា​លី​(ATSB) និង​អាជ្ញា​ធរ​អាកាស​ចរណ៍​ស៊ី​វីល​(CASA) ដើម្បី​បើក​ការ​ស៊ើប​អង្កេត​ផង​ដែរ។

ដោយ​ឡែក​ទូរស័ព្ទ​​ iPhone​ត្រូវ​បាន​ប្រគល់​​ឱ្យ​ការិយា​ល័យ​ ATSB ​សម្រាប់​ធ្វើ​ការ​វិភាគ ហើយ​បណ្តាញ​ព័ត៌មាន​ក្នុង​តំបន់​មិន​បាន​ផ្តល់​ដំណឹង​នោះ​ទេ ខណៈ​ការ​ស៊ើប​អង្កេត​កំពុង​បន្ត។ រី​ឯ​ ​ក្រុម​ហ៊ុន​​ Apple​ក៏​ត្រូវ​បាន​ធ្វើ​ការ​ទំនាក់​ទំនង​​ដើម្បី​ធ្វើ​បទ​សម្ភាស​ចំពោះ​ករណី​ទូរស័ព្ទ​iPhone នេះ​ ឆេះ​ផ​ង​ដែរ ៕

Read More

ទូរស័ព្ទ iPhone 6 មាន​ទំហំ​ធំ​ជាង iPhone 5s និង​មីនី iPad

20140410_21c

កាលពី​ខែ​មីនា​កន្លង​មក​នេះ​ក្រុមហ៊ុន Apple ធ្លាប់​បាន​ប្រកាស​ថា ខ្លួន​បាន​ត្រៀម និង​រៀបចំ​គម្រោង​ចេញ​ផលិតផល​ស៊េរី​ថ្មី​គឺ​ទូរស័ព្ទ​ស្មាតហ្វូន iPhone 6។ បើ​យោងតាម​គេហទំព័រ MacRumors បាន​បង្ហោះ​រូបភាព​គំរូ​ម៉ាក​ទូរស័ព្ទ iPhone 6 ដែល​មាន​អ្នក​រចនា​ម៉ូដ​ដោយ​ហ្វែរីផាសឆៀ អាច​ឲ្យ​គេ​សន្និដ្ឋាន​ថា​វា​មាន​កម្រាស់​ប្រមាណ​ជា​៤,៧ អ៊ិញ ឬ​៥,៧​អ៊ិញ។

ចំពោះ​រូបរាង​ខាង​ក្រៅ​នៃ​ម៉ូដែល​ទូរស័ព្ទ​ស៊េរី iPhone 6 មិន​មាន​លក្ខណៈ​ខុស​ប្លែក​អ្វី​គ្នា​ពី​ទូរស័ព្ទ​ស៊េរី iPhone 5s ប៉ុន្មាន​ឡើយ។ យោងតាម​អ្នក​សរសេរ​រៀបរាប់​ក្នុង​គេហទំព័រ MacRumors បាន​ឲ្យ​ដឹង​ថា៖ «ប៊ូតុង​ខាង​លើ​របស់​វា​ត្រូវ​ទាញ​ពី​ខាង​ស្តាំ​ទៅ​ឆ្វេង។ ចំណែក​កាមេរ៉ាថត​វិញ​មាន​លក្ខណៈ​លយ​ចេញ​មក​ក្រៅ​បន្តិច ហើយ​សម្បក​ក្រៅ​វា​វិញ​ដូច​សម្បក​របស់ iPad។ ចំពោះ​ភ្លើង​ហ្វាស់​កាមេរ៉ា​របស់ Phone 6 មាន​លក្ខណៈ​ខុស​ពី​ទូរសព្ទ​ម៉ាក iPhone 5s»។

តាមរយៈ​ការ​ចេញ​នូវ​ផលិតផល​ថ្មី​ជំនាន់​ក្រោយៗ​របស់​ក្រុមហ៊ុន Apple នោះ គេ​សង្កេត​ឃើញ​ទូរស័ព្ទ​ស៊េរី iPhone 6 មាន​ទំហំ​ធំ​ជាង​ស៊េរី iPhone 5s និង​iPad ហើយ​គឺជា​ប្រភេទ​ទូរស័ព្ទ​ស្មាតហ្វូន​ដែល​គេ​ចាប់​អារម្មណ៍​ជាង​គេ​ផង ដែរ​របស់​ក្រុមហ៊ុន Apple នា​ឆ្នាំ​២០១៤ ប្រសិន​បើ​គេ​ប្រៀប​ទៅ​នឹង​ផលិតផល​កម្រិត iOS នោះ។

មាន​របាយការណ៍ ជាច្រើន​បាន​ចេញ​ផ្សាយ​ថា ក្រុមហ៊ុន Apple អាច​នឹង​ចេញ​លក់​ទូរស័ព្ទ​ម៉ាក iPhone 6 នៅ​ឆ្នាំ​២០១៤​នេះ។ ឆ្នាំ​នេះ​ដែរ​គេ​ក៏​ឃើញ​មាន​កើត​នូវ​វិវាទ​រវាង Apple និង Samsung ២​លើក​។ ដោយឡែក​បើ​មើល​ទីផ្សារ​លក់​នោះ​គេ​ឃើញ Apple ហាក់​ដូចជា​មាន​កម្រិត​ទទួល​ស្គាល់​ច្រើន​ជាង Samsung៕

Read More

តើប្រទេស​ណាប្រជាជន​មាន​​ទូរស័ព្ទ​ដៃ​ប្រើប្រាស់ច្រើន​​ជាង​គេ​លើ​ពិភពលោ​ក​?

យោង​តាម​ការ​សិក្សា​របស់​ សហភាពទូរគមនាគមន៍អន្តរជាតិ (ITU) ឱ្យ​ដឹង​ថា នៅ​ក្នុង​ឆ្នាំ២០១៤​នេះ តួលេខ​អ្នក​ប្រើ​ទូរស័ព្ទ​ដៃ​នឹង​មាន​សំទុះ​កើនឡើង​យ៉ាង​ខ្លាំង រហូត​ដល់​​ចំនួន​ទូរស័ព្ទមាន​ច្រើន​ជាង​ចំនួន​មនុស្ស​ទៅទៀត តាម​បណ្ដា​ប្រទេស​មួយ​ចំនួន ឬ​អាច​ឈានដល់​ចំនួន​ទូរស័ព្ទ​ច្រើន​ជាង​ប្រជាជន​ពិភពលោក​ក៏​ថា​បាន។ ITU បាន​រំពឹង​ថា​ ចំនួន​​ទូរស័ព្ទ​ដៃ​នឹង​​កើន​ពី ៦ពាន់​លាន​គ្រៀឿង​​​​កាល​ពី​ដើម​ឆ្នាំ២០១៣ ទៅ​ដល់ ៧,៣ពាន់​លាន​គ្រឿង​គិត​ត្រឹម​ឆ្នាំ២០១៤​ ខណៈ​ដែល​ចំនួន​ប្រជាជន​សរុប​លើ​ពិភពលោក​​មាន​ត្រឹម ៧,០១២,០០០,០០០ (គិត​ត្រឹម​ឆ្នាំ២០១៣)។ 

ក្នុង​នោះ​សំទុះ​អ្នក​ប្រើ​គឺ​មាន​នៅ​បណ្ដា​ប្រទេស​ស្ថិត​នៅ​តំបន់​អាស៊ី ប៉ាស៊ីហ្វិក មជ្ឈិម​បូព៌ា និង​អាហ្វ្រិក។ តើ​ប្រទេស​ណា​មាន​ប្រជាជន​កំពុង​ប្រើ​ទូរស័ព្ទ​ដៃ​ច្រើន​ជាង​គេ​លើ​ពិភពលោក?​ បច្ចុប្បន្ន​អ្នក​ប្រើ​ទូរស័ព្ទ​ដៃ​ធម្មតា (Mobile phone) មួយ​ចំនួន​ក៏​កំពុង​ផ្លាស់ប្ដូរ​ទៅ​ប្រើ​ទូរស័ព្ទ​ទំនើបៗ​ (Smartphone) វិញ​ដែល​មាន​បណ្ដាញ 3G និង​ឈាន​ដល់ 4G កម្រិត​ខ្ពស់ (4G Advance)។

ផ្អែក​តាម​គេហទំព័រ​សព្វវចនាធិប្បាយ ឬ​វិគីភីឌា បាន​បង្ហាញ​តារាង​រាយ​នាម​បណ្ដា​ប្រទេស​​ដែល​កំពុង​មាន​ចំនួន​ប្រជាជន​ប្រើប្រាស់​ទូរស័ព្ទ​ដៃ​ច្រើន​ជាង​គេលើ​ពិភពលោក។ ក្នុង​នោះ ចិន​បាន​ឈរ​លំដាប់​កំពូល​ជា​ប្រទេស​ដែល​មាន​ចំនួន​ទូរស័ព្ទដៃ​ច្រើន​បំផុត​ជាង​បណ្ដា​ប្រទេស​ទាំង​អស់​លើ​ពិភពលោក កំពុង​ត្រូវ​បាន​ប្រើប្រាស់​ដោយ​ប្រជាជន​​ក្នុង​ស្រុក គឺ​មាន ១.២២៧.៣៦០.០០០គ្រឿង ក្នុង​ចំណោម​ប្រជាជន​​សរុប ១.៣៤៩.៥៨៥.៨៣៨នាក់។ លេខ​២ បាន​លើ​ប្រទេស​ឥណ្ឌា និង​សហរដ្ឋ​អាមេរិក​បាន​លេខ៣។ ខាងក្រោម​គឺ​ជា​បណ្ដា​ប្រទេស​ទាំង៥ ដែល​មាន​ចំនួន​ទូរស័ព្ទដៃ​ច្រើន​បំផុត​លើ​ពិភពលោក​កំពុង​ត្រូវ​បាន​ប្រជាជន​ក្នុង​ប្រទេស​ប្រើប្រាស់​បច្ចុប្បន្ន៖

១) ចិន (គិត​ត្រឹម​ខែ​ធ្នូ ឆ្នាំ​២០១៣)
ចំនួន​ទូរស័ព្ទ​ប្រជាជន​កំពុង​ប្រើ = ១.២២៧.៣៦០.០០០​គ្រឿង
ចំនួន​ប្រជាជន​សរុប = ១.៣៤៩.៥៨៥.៨៣៨​នាក់
អត្រា​អ្នក​ប្រើ​ជា​មធ្យម = ៩០,៩គ្រឿង/១០០នាក់

២) ឥណ្ឌា (គិត​ត្រឹម​ខែ​សីហា ឆ្នាំ២០១៣)
ចំនួន​ទូរស័ព្ទ​ប្រជាជន​កំពុង​ប្រើ = ៩២៤.៣១៨.៩២៧គ្រឿង
ចំនួន​ប្រជាជន​សរុប = ១.២២០.៨០០.៣៥៩​នាក់
អត្រា​អ្នក​ប្រើ​ជា​មធ្យម = ៧៤,១៦គ្រឿង/១០០នាក់

៣) សហរដ្ឋ​អាមេរិក (គិត​ត្រឹម​ខែ​មេសា ឆ្នាំ២០១៤)
ចំនួន​ទូរស័ព្ទ​ប្រជាជន​កំពុង​ប្រើ = ៣២៧.៥៧៧.៥២៩​គ្រឿង
ចំនួន​ប្រជាជន​សរុប = ៣១៧.៨៧៤.៦២៨​នាក់
អត្រា​អ្នក​ប្រើ​ជា​មធ្យម = ១០៣,១គ្រឿង/១០០នាក់

៤) ប្រេស៊ីល (គិត​ត្រឹម​ខែ​មិថុនា ឆ្នាំ២០១៤)
ចំនួន​ទូរស័ព្ទ​ប្រជាជន​កំពុង​ប្រើ = ២៧៦.២០០.០០០គ្រឿង
ចំនួន​ប្រជាជន​សរុប = ២០១.០៣២.៧១៤នាក់
អត្រា​អ្នក​ប្រើ​ជា​មធ្យម = ១៣៦,២គ្រឿង/១០០នាក់

៥) រុស្សី (គិត​ត្រឹម​ខែ​កក្កដា ឆ្នាំ​២០១៣)
ចំនួន​ទូរស័ព្ទ​ប្រជាជន​កំពុង​ប្រើ = ២៥៦.១១៦.០០០គ្រោង
ចំនួន​ប្រជាជន​សរុប = ១៤២.៩០៥.២០០នាក់
អត្រា​អ្នក​ប្រើ​ជា​មធ្យម = ១៥៥,៥គ្រឿង/១០០នាក់។ 

ក្រៅ​ពី​នេះ នៅ​មាន​បណ្ដា​ប្រទេស​ផ្សេងៗ​ដែល​មាន​ចំណាត់ថ្នាក់​រៀង​គ្នា ដូច​ជា ឥណ្ឌូណេស៊ី(២៣៦.៨០០.០០០គ្រឿង) នីហ្សេរីយ៉ា (១៦៧.៣៧១.៩៤៥គ្រឿង) ប៉ាគីស្ថាន (១៤០.០០០.០០០គ្រឿង) ជប៉ុន (១២១.២៤៦.៧០០គ្រឿង) និង​បង់ក្លាដេស (១១៦.៥០៨.០០០គ្រឿង)៕

Read More

មានការខ្សឹបខ្សៀវថា Apple កំពុង​តែ​សាកល្បង​ទូរស័ព្ទទំនើប​អេក្រង់ 6-inch

ដូច​​អ្វី​ដែល​ប្រិយមិត្ត​​បាន​ដឹង​ហើយ​ថា​បច្ចុប្បន្ន​នេះ​ ទូរស័ព្ទទំនើប​ប្រភេទ​អេក្រង់ធំៗ​ (ចាប់​ពី 5-inch ឡើង​ទៅ) ឬ គេ​ឲ្យ​ឈ្មោះ​ថា​ “Phablet” កំពុង​តែ​ទទួល​បាន​ការ​​និយម​គាំទ្រ​ច្រើន​ពី​សំណាក់​អ្នក​ប្រើប្រាស់​ ទូរស័ព្ទទំនើប ។ ក្រុមហ៊ុន​ដែល​បាន​នាំ​មុខ​គេ​លើ​ទីផ្សារ​ទូរស័ព្ទទំនើប​ប្រភេទ​ Phablet នោះ​គឺ​ក្រុមហ៊ុន​ Samsung ​ព្រោះ​ថា​ក្រុមហ៊ុន​មួយ​នេះ​ហាក់ទទួល​បាន​ជោគជ័យ​ច្រើន​តាមរយៈ​ការ​បញ្ចេញ​ជា​បន្តបន្ទាប់​នូវ​ទូរស័ព្ទទំនើបស៊េរី Galaxy Note ។
ដោយឡែក​សម្រាប់​ឆ្នាំ២០១៣ នេះ​មាន​ក្រុមហ៊ុន​​មួយ​ចំនួន​ទៀត​​បាន​បញ្ចេញ និង​​ក្រុមហ៊ុន​ផ្សេង​ទៀត​​ក៏​កំពុង​តែ​ត្រៀ​​ម​នឹង​​ប្រកាស​ ចេញទូរស័ព្ទទំនើប​ ប្រភេទ​ Phablet នេះ​ដែរ ។ បើ​និយាយ​​ពី​ក្រុមហ៊ុន​​​ធំៗ​ដែល​មិនទាន់​បាន​បញ្ចេញ​ទូរស័ព្ទទំនើប​ ប្រភេទ​ Phablet នោះ​មាន​ដូច​ជា៖ Apple និង Nokia ជា​ដើម ប៉ុន្តែ​ក្នុង​រយៈពេល​ថ្មីៗ​នេះ​ធ្លាប់​មាន​​ប្រភព​មួយ​ចំនួន​បាន​អះអាង​ថា​ ក្រុមហ៊ុន​ទាំង​នេះ​កំពុង​តែ​មមាញឹក្នុង​ការងារ​រចនា​ ផលិត​ និង​​​ត្រៀម​ចេញ​ប្រភេទ​ Phablet រៀងៗ​ខ្លួន​ ។
កាល​ពី​ឆ្នាំ​​២០១២ ក្រុមហ៊ុន​ Apple បាន​បញ្ចេញ​ iPhone 5 ដែល​មាន​អេក្រង់​ធំ​ជាង​ម៉ូដែល​​មុនៗ​បន្តិច ប៉ុន្តែ​អ្នក​វិភាគ​បាន​​មាន​ប្រសាសន៍​ថា ការ​ប្តូរ​ទំហំ​អេក្រង់​​តែ​មួយ​មុខ​នោះ​មិន​​គ្រប់គ្រាន់​ទេ អ្វី​ដែល​ក្រុមហ៊ុន​ត្រូវ​​ធ្វើ​ការ​កែត្រូវ​​មួយ​ទៀត​នោះ​គឺ​ តម្លៃ ។
បើ​យោង​តាម​កា​អះអាង​របស់​ប្រភព​ខាង​លើ​ និង​ ​សម្ដី​របស់​អ្នក​វិភាគ​នោះ​ ក្រុមហ៊ុន​ Apple ប្រាកដ​ជា​នឹង​ផលិត​ទូរស័ព្ទទំនើប​របស់​ខ្លួន​ឲ្យ​បាន​ច្រើន​ទំហំ​ និង​ តម្លៃ​ ផ្សេងៗ​គ្នា ។

ប្រភេទទូរស័ព្ទដែលមានអេក្រង់ធំ៖

Read More

Apple បង្ហាញ iPhone 5S និង iPhone 5C ជាផ្លូវការ

បន្ទាប់ពីទន្ធឹងរង់ចាំ អស់រយៈពេលជាយូរនៅពេលនេះ ក្រុមហ៊ុន Apple បានបង្ហាញ iPhone 5S និង iPhone 5C ជាផ្លូវការ។ iPhone 5S មានបីពណ៌ សម្រាប់ជ្រើសរើស ដែលមានពណ៌មាស ស និងខ្មៅ ហើយប្រើប្រាស់ នូវ Double LED Flash និង Chip A7 ដែលជា Chip ថ្មីរបស់ Apple ដែលលឿនជាង iPhone 5 ដល់ទៅ ៥ដង ចំពោះការរចនាវិញ គឺដូចគ្នាទៅនឹង iPhone 5៕

Read More