​​​​​ ទូរស័ព្ទ Nokia តម្លៃ $25ចេញលក់ហើយ!!

ថ្មីៗនេះ ក្រុមហ៊ុន Microsoft ទើបតែ​ចេញ​ទូរស័ព្ទ Nokia ថ្មី ដែល​មាន​តម្លៃ​ត្រឹមតែ ២៥ដុល្លារ​ ប៉ុណ្ណោះ ដែល​លោកអ្នក​ប្រហែល​ជាដឹង​រួចហើយថា Microsoft បានទិញ Nokia ប៉ុន្មាន​ខែ​កន្លង​មកហើយ ។ គួរ​ឲ្យ​កត់​សំគាល់​ដែរថា តាំងពីទូរស័ព្ទ Android និង iPhone បាន​វាយលុក​ទីផ្សារ​ពិភពលោក (និងកម្ពុជា​ផងដែរ) បាន​ធ្វើឲ្យ​ទូរស័ព្ទ​ Nokia ដែល​ធ្លាប់​តែ​ពេញ​និយម​ មាន​ការ​ធ្លាក់ចុះ ការ​លក់​ជាបន្ត​បន្ទាប់ ។ ទោះជា​យ៉ាងនេះ​ក្តី ក្រុមហ៊ុន Nokia (ដែល​បច្ចុប្បន្ន​ គ្រប់​គ្រង​ដោយ Microsoft) ក៏នៅ​តែ​បន្ត​អភិវឌ្ឍ​ទូរស័ព្ទ ឲ្យ​ទាន់​បច្ចេកវិទ្យា​ទំនើប ពី​មួយ​ជំនាន់​ទៅមួយជំនាន់ ។

ទូរស័ព្ទ Nokia 130 ដែល​ចេញដោយ​ក្រុមហ៊ុន Microsoft ដែល​មាន​លក្ខណៈ​ពិសេស​មួយចំនួន​ដូចជា អាចចាក់​ចម្រៀង និង​មើល​វីដេអូ​ ព្រមទាំងមាន​ពិល ប្រើបានទៀតផង ។ ទូរស័ព្ទដែល​មាន​តម្លៃ​ត្រឹមតែ ២៥​ដុល្លារនេះ មាន​លក់​នៅតែ​ប្រទេស ឥណ្ឌា ចិន និងនីស៊ើរ៊ី តែប៉ុណ្ណោះ (គួរឲ្យសោកស្តាយ មិនទាន់​មាននៅកម្ពុជា) ។

យោងតាម​ការលើកឡើង​របស់​លោក Jo Harlow ដែល​ជាអនុប្រធាន​ផ្នែក​ទូរស័ព្ទ (Corporate Vice President for phones) នៅ​ក្រុមហ៊ុន Microsoft មានប្រសាសន៍​ថា៖ យើង​អាចសន្និដ្ឋាន​បានថា យ៉ាងហោចណាស់ មនុស្ស ១លាននាក់ នៅ​លើពិភពលោក មិនទាន់​មានទូរស័ព្ទ​ប្រើនៅឡើយ ៕